Creu ffilm
Mae ffilmio prosiect neu ddigwyddiad yn ffordd wych o rannu’r profiad o fod yn rhan ohono. Dyma ein hargymhellion.
Mae gan y mwyafrif ohonom gamerâu fideo ar ein ffonau symudol, felly mae’n haws nag erioed i gofnodi’r eiliadau gwerthfawr. Ar ôl dros bum mlynedd o ffilmio mewn Ciniawau Mawr a digwyddiadau eraill i Gymunedau Eden Project, mae Sound View Media yn awr yn rhannu eu hargymhellion am sut i wneud eich ffilm yn werth ei rhannu.
Meddwl o flaen llaw
Cyn ichi ddechrau, meddyliwch am beth ydych chi eisiau ei ffilmio. Mae’n hawdd ffilmio golygfeydd ar hap heb ddal yr hyn rydych chi eisiau.
Fframio
Meddyliwch am ffrâm y fideo a beth ydych chi eisiau ei gyfleu. Sut gallwch wneud pethau’n fwy diddorol?
Aros yn llonydd
Mae cael fideo heb siglo yn allweddol; meddyliwch am ffyrdd o sicrhau bod y camera yn llonydd.
Pwyll piau hi!
Cadwch y camera ar yr olygfa, a sicrhewch eich bod yn aros ar yr hyn rydych yn ei ffilmio am ddigon hir. Bydd hyn yn teimlo fel amser hir ar y pryd, ond pan fyddwch yn edrych yn ôl ar y fideo, efallai na fydd yn ddigon hir. Beth am gyfri i ddeg?
Tawelwch
Cofiwch am y sŵn – sicrhewch eich bod mewn amgylchedd tawel ac yn agos at yr hyn rydych yn ei ffilmio.
Goleuo
Byddwch yn ymwybodol o amodau’r golau. Os yw hi’n dywyll, ydych chi’n gallu ychwanegu golau? Byddwch yn ofalus wrth ffilmio mewn golau uniongyrchol, gan y bydd hynny’n creu cysgodion. =
Mwynhewch y cyfan
Mae creu ffilmiau yn hwyl!
Perchnogaeth
Peidiwch ag anghofio cael y caniatâd perthnasol gan bawb sy’n cymryd rhan. Dyma ein templed ffurflen ganiatâd ddefnyddiol.
Mwy fel hyn
Cau ffordd
Os ydych yn awyddus i gynnal parti stryd (neu Ginio Mawr!) ac mae angen i chi gau’r ffordd, dylech holi eich cyngor am hyn…
Asesu iechyd a diogelwch
Efallai bydd rhai cynghorau’n gofyn i chi wneud asesiad risg. Dyma ffurflen syml i’ch helpu i ddechrau arni.
Cael caniatâd i dynnu lluniau a fideo
Os ydych yn tynnu unrhyw luniau neu fideos o’ch prosiect i’w rhannu â’r cyhoedd neu unrhyw drydydd parti, rhaid cael caniatâd ysgrifenedig gan bawb…