![Cupcakes with Big Lunch flag decorations](https://www.edenprojectcommunities.com/wp-content/uploads/2023/02/mnce-04-07-21-ke-scaled-1920x1280.jpg)
Amdanom ni
Ni yw Cymunedau Eden Project.
Er mwyn mynd i’r afael â’r prif faterion sy’n wynebu dynoliaeth, mae angen cymunedau cryf a gwydn arnom, ac eto mae cymdeithasau’n dod yn fwyfwy tameidiog. Credwn ein bod mewn sefyllfa well i fynd i’r afael â heriau pan fyddwn yn eu hwynebu gyda’n gilydd.
Rydym yn gweithio gyda chymunedau i helpu pawb i gymryd rhan a theimlo eu bod yn perthyn yn eu cymuned, ble bynnag y maent yn byw.
Ein cenhadaeth
Ein cenhadaeth yw dod â phobl ynghyd a’u hannog i ymgysylltu’n weithredol â’i gilydd a’r lleoedd y maent yn byw ynddynt. Mae gennym weledigaeth o fyd yn llawn cymunedau hapusach ac iachach lle mae pobl yn adnabod ei gilydd a bod cymdogaethau’n ffynnu.
Ein hegwyddorion arweiniol
- Creu cyfleoedd i bobl rannu mwy, cysylltu ag eraill, a chael hwyl.
- Cefnogi ac annog pobl i gymryd rhan lle maent yn byw.
- Adeiladu mwy o empathi rhwng pobl a chymunedau.
- Dathlu’r pethau dynol a beunyddiol.
- Hyrwyddo cynhwysiant a dathlu amrywiaeth.
- Gwneud Y Cinio Mawr yn adeg a rennir yn genedlaethol sy’n ein huno ni, ein cymdogaethau a’n cymunedau.
![The Eden Project with a group of people standing outside on a bridge one of the family](https://www.edenprojectcommunities.com/wp-content/uploads/2023/02/one-of-family.jpg)
Rhan o deulu Eden
Elusen addysgol a menter gymdeithasol yw Eden Project. Rydym yn creu gerddi, arddangosfeydd, celf, digwyddiadau, profiadau a phrosiectau sy’n archwilio sut y gall pobl gydweithio – a gyda natur – tuag at ddyfodol gwell. Cawn ein hysbrydoli gan y gred bod pobl yn fwy nag abl i newid pethau er gwell, a thrwy greu Eden rydym wedi dysgu beth all dyfeisgarwch, ymarferoldeb, gobaith a phenderfyniad ei wneud.
Mae stori Eden Project yn un o drawsnewid a gobaith, felly yn 2009 fe benderfynon ni roi cynnig ar arbrawf bach: i weld beth allai effaith drawsnewidiol dod i adnabod ein cymdogion fod. Yr arbrawf bach hwnnw oedd Y Cinio Mawr.
Trwy Cymunedau Eden Project rydym yn cefnogi pobl gyffredin i wneud pethau rhyfeddol wrth iddynt adeiladu eu sgiliau a’u hyder i greu newid cadarnhaol lle maent yn byw.
“Mae’r dyfodol yno i ni i’w ddyfeisio. Gadewch i ni greu byd rydyn ni eisiau byw ynddo”
Dr Tony Kendle, Eden Project
![HRH Duchess of Cornwall with Dame Mary Berry and winner Jemma](https://www.edenprojectcommunities.com/wp-content/uploads/2022/05/hrh_duchess_of_cornwall_dame_mary_berry_and_winner-min-640x426.jpg)
Contact us and media
Speak to our friendly team about partner, media and community opportunities.
![Woman smiling at her computer](https://www.edenprojectcommunities.com/wp-content/uploads/2023/02/Write-an-article-to-promote-your-community-project-Eden-Project-Communities-640x427.jpg)
Our research
Find out more about the impact of our work.
![Two men laughing and enjoying a cup of tea at an indoor event.](https://www.edenprojectcommunities.com/wp-content/uploads/2023/03/PG_tips_Emmaus_people_talking-640x427.jpg)
Our partners
Core funder, sponsor and partner support helps us reach millions every year.
![Eden Project Communities team standing in a biome at the Eden Project.](https://www.edenprojectcommunities.com/wp-content/uploads/2023/03/Team-photo-at-Eden-2023-scaled-640x480.jpg)
Meet the team
A mighty bunch spread out all across the UK.