Sut i bersonoli lliain bwrdd
Does dim rhaid i leiniau bwrdd fod yn blaen - beth am gael ychydig o hwyl yn dysgu sut i addurno eich lliain bwrdd eich hun a'i defnyddio ar gyfer unrhyw ddigwyddiad o Nadolig i'ch Cinio Mawr.
Mae addurno lliain bwrdd yn weithgaredd da ar gyfer plant ac oedolion, felly beth am wahodd eich ffrindiau a chymdogion draw am brynhawn creadigol a chreu lliain bwrdd unigryw i’w gofio.
Bydd angen arnoch
- Un lliain bwrdd plaen neu hen gynfas
- Detholiad o binnau ffabrig lliw, stribedi o ffabrig, secwins, glitter, paent…neu unrhyw beth y gallwch ddod o hyd iddo!
- Glud, staplwr neu becyn gwnïo bach
- Eich dychymyg!
Unwaith bod gennych chi bopeth sydd eu hangen arnoch, rhowch eich lliain bwrdd ar ddalen o bapur newydd neu ar arwyneb awyr agored (os nad yw’n bwrw glaw…) ac ewch ati i addurno!
Dyma rhai syniadau i roi ysbrydoliaeth i ch
Defnyddiol
Tynnwch leoedd gosod, labeli enwau, jôcs a gweithgareddau torri’r iâ ar gyfer eich digwyddiad.
Personol
Tynnwch gartwnau o chi’ch hun – gan gynrychioli pawb ar eich stryd.
Ymarferol
Dyluniwch fap o’ch ardal gan gynnwys y mannau a’r nodweddion sy’n ei gwneud yn unigryw.
Haniaethol
Crëwch ddarn o gelf sy’n cynrychioli rhywbeth ystyrlon i’ch ardal.
Cynrychiadol
Defnyddiwch y lliain bwrdd fel eich cynfas ar gyfer golygfa neu thema.
Cydweithredol
Rhowch ran benodol i bawb cyn dod â’r cwbl at ei gilydd i greu darn cysylltiedig o gelf gymunedol.
Beth nesaf
Ar ôl i chi ddefnyddio’ch lliain bwrdd, gallech ei arddangos mewn canolfan gymunedol leol, neuadd bentref neu hyd yn oed ei dorri’n ddarnau a rhoi darn i’w gadw i bawb a gymerodd ran. Neu, gallech ei gadw ar gyfer digwyddiad yn y dyfodol a chael pawb i ychwanegu rhywbeth arall ato y tro nesaf.
