Bariau Brûlée Lemwn

1. Paratowch y sylfaen teisen frau:

• Cynheswch eich ffwrn i 175°C (350°F).
• Rhowch leinin papur pobi mewn tun pobi 23 x 33cm (9 x 13 modfedd).
• Mewn powlen fawr, chwisgiwch ynghyd y blawd, y siwgr eisin a’r halen.
• Arllwyswch y menyn wedi’i doddi i mewn a chymysgwch nes ei fod newydd gyfuno.
• Gwasgwch y toes yn gyson yn y tun wedi’i leinio a’i bobi am 20 munud, neu nes ei fod yn lliw euraidd ysgafn.

2. Gwnewch y llenwad lemwn:

• Tra bod y sylfaen yn pobi, rhwbiwch y croen lemwn i mewn i’r siwgr mân i ryddhau’r olewau sitrws.
• Mewn powlen ar wahân, cymysgwch ynghyd y siwgr â’r croen ynddo a 70g o flawd.
• Ychwanegwch y sudd lemwn a’r wyau, gan chwisgio nes eu bod wedi’u cyfuno’n llwyr ac yn llyfn.

3. Pobwch y bariau:

• Arllwyswch y llenwad lemwn ar y sylfaen teisen frau boeth, yn syth o’r popty.
• Dychwelwch hi i’r popty ar unwaith a phobwch am 25 munud, gan droi’r tun hanner ffordd drwodd er mwyn ei bobi’n gyson.
• Tynnwch o’r popty a gadewch iddo oeri ar dymheredd ystafell am 1 awr, ac yna yn yr oergell nes ei fod wedi caledu’n drwyadl.
• Tynnwch allan o’r tun a’r papur pobi, a thorrwch yn fariau o’r maint a ddymunir.

4. Gwnewch frûlée o’r haen uchaf:

• Ar ôl ei dorri, taenellwch haen denau gyson o siwgr gronynnog dros y bariau.
• Defnyddiwch tortsh fflâm i garameleiddio’r siwgr nes ei fod yn euraidd ac yn grimp.
• Fel arall, gallwch ddefnyddio gridyll eich ffwrn: rhowch y bariau ar hambwrdd pobi heb y papur pobi oddi tano, a’u rhoi o dan y gridyll. Cadwch lygad barcud arnynt gan y bydd y siwgr yn carameleiddio’n gyflym. (Mae’n well ei wneud sawl gwaith am gyfnod byrrach nag unwaith am gyfnod rhy hir gan y bydd y bariau’n cael eu difetha)
• Am grac caled iawn, gwnewch y broses brûlée eto gyda haen arall o siwgr.
• Gadewch i’r siwgr sefyll am ychydig funudau cyn ei weini.