Effaith

Er mwyn helpu pobl a chymunedau i gysylltu, rydym yn gwahodd pobl i ddod yn rhan o rywbeth mwy. Ar ddydd Sul cyntaf mis Mehefin bob blwyddyn, mae miliynau o bobl yn dod ynghyd mewn strydoedd, parciau a gerddi i gymryd rhan yn Y Cinio Mawr, dathliad blynyddol y DU i gymdogion. Gallai Cinio Mawr fod i 3 o bobl neu 300, ond mae’r weithred syml o rannu cinio gyda chymdogion yn dechrau creu newidiadau cadarnhaol. Yn 2016, ymunodd 7.3 miliwn o bobl â’r Cinio Mawr, gyda dros 90,000 o ddigwyddiadau’n cael eu cynnal ym mhob rhan o’r DU.

‘Dw i'n methu credu sut mae hyn wedi datblygu. Roeddwn i’n byw ar fy stryd am 35 mlynedd heb adnabod neb, bron - nawr rwy’n darganfod pobl rwy’n eu hadnabod ym mhob man oherwydd y Cinio Mawr.’ - David Head

I’r rheiny sy’n awyddus i ddatblygu syniad cymunedol ymhellach, mae ein Gwersyll Cymunedol yn Eden yn cynnig cyfle i gwrdd ag unigolion â’r un meddylfryd sy’n arwain prosiectau cymunedol ledled y DU. Mae pobl sy’n dod yn dweud wrthym nad ydynt yn teimlo ar eu pennau eu hunain bellach, a bod dod yn rhan o’r Rhwydwaith Hwb yn rhoi cymorth iddynt pan maen nhw’n gadael ac yn gwneud cysylltiadau gwerthfawr gyda phobl eraill yn eu hardal.

 ‘Dwi’n rhan o fudiad! Mae llawer o bobl yn gwneud pethau gwych, sy’n ysbrydoli ac yn gryf ac yn ysgogi – rwy’n teimlo wedi fy adfywio!’ Madeleine Ellis-Peterson

Yn Eden, rydym yn credu ym mhŵer y gymuned, a phŵer pobl sy’n gwneud pethau ar y cyd i wella’u bywydau a bywydau pobl eraill o’u cwmpas. Mae’r cymunedau rydym yn gweithio gyda nhw yn gwneud y pethau bychain sy’n gwneud gwahaniaeth mawr. Ym mhob man yn y DU, mae pobl gyffredin yn gwneud pethau eithriadol, ac rydym yn gweithio gyda nhw i greu cymunedau hapusach, mwy cysylltiedig, sy’n dathlu ble rydym yn byw a phwy sy’n byw yno gyda ni.