Cacen Afal Menyn gan Nadiya Hussain
Dw i wrth fy modd gyda'r afalau yn y gacen yma, a'r crwst llawn menyn a siwgr ar dop y gacen hefyd.
Rysáit gan Nadiya Hussain
Dyma un o’r cacennau cyntaf i mi erioed ei wneud. Dydw i ddim yn cofio ble gwelais i’r rysáit, hen lyfr coginio efallai, neu doriad o gylchgrawn, ond rydw i wedi bod eisiau ei ail-greu ers blynyddoedd ac felly fe wnes i o’r diwedd. Dw i wrth fy modd gyda’r afalau yn y gacen yma, a’r crwst llawn menyn a siwgr ar dop y gacen hefyd. Does byth modd cael un darn yn unig.
Cynhwysion
Digon 8
Ar gyfer y gacen
- 125g menyn di-halen, wedi’i meddalu
- 125g siwgr mân
- 2 ŵy maint canolig
- 125g blawd codi, wedi’i hidlo
- 1 llwy de o nytmeg
- 2 afalau gwyrdd maint canolig, wedi’u plicio a’u deisio’n giwbiau 1cm
- 50g siwgr mân
Ar gyfer y topin menyn
- 60g menyn di-halen, wedi’i meddalu
- 60g siwgr mân pinsiad o halen
- siwgr eisin, i’w ysgeintio
I’w weini
- hufen tolch
Dull
- Cynheswch y ffwrn i 180°C ffan. Irwch waelod ac ochrau tun cacen 23cm a’i leinio â phapur pobi.
- Rhowch y menyn meddal mewn powlen gymysgu gyda’r siwgr mân, wyau, blawd a nytmeg. Cymysgwch bopeth ar gyflymder uchel am 2 funud, nes bod y cymysgedd yn ysgafn.
- Arllwyswch y cymysgedd i’r tun a lefelwch y top. Ysgeintiwch y ciwbiau afal dros y cymysgedd, ysgeintiwch y siwgr dros y cwbl, a’i phobi am 25 munud.
- I wneud y topin menyn, rhowch y menyn di-halen wedi’i doddi a’r siwgr mân mewn powlen gyda’r halen, a chymysgu’r cwbl yn dda iawn.
- Ar ôl i’r gacen gael 25 munud yn y popty, tynnwch hi allan, arllwyswch y cymysgedd menyn-siwgr drosti a’i phobi am 10–15 munud arall.
- Gadewch y gacen i oeri yn y tun am 20 munud, yna tynnwch hi allan a’i adael i oeri ar silff oeri.
- Ysgeintiwch siwgr eisin drosti a’i weini gyda hufen tolch.
