Dathlu gwirfoddolwyr gyda’r Cinio Mawr

Mae’r Cinio Mawr wedi bod yn gyfle gwych inni gael pawb ynghyd i ddathlu llwyddiant yr ardd ac i ddiolch am gyfraniad gwerthfawr y criw dros y blynyddoedd. Mae mor bwysig i wneud amser a gofod i ail gysylltu fel hyn, mae e mor werthfawr. Rydym i gyd wedi elwa ac yn methu aros am y tro nesaf!”

Roedd Gardd Salad Caerdydd yn awyddus iawn i drefnu Cinio Mawr er mwyn diolch i’r gwirfoddolwyr am eu gwaith a’i ymroddiad at ddatblygiad yr ardd.

Yn ol Sophie,;“Roedd Y Cinio Mawr yn cynnig cyfle inni ddod at ein gilydd ac ail gysylltu am y tro cyntaf ers sbel”.

mhorwood_big_lunch_050621_065.jpg

Aeth Sophie ati i gydweithio gyda llond llaw o’r gwirfoddolwyr i drefnu’r digwyddiad, gan sicrhau bod y digwyddiad yn hawdd i bawb ymuno ac yn ddiogel yn unnol a’r cyfyngiadau;

“Aethon ni ati i greu bocsys bwyd, gan ddefnyddio cynyrch ffres o’r ardd. Roedd y bocsys wedi’i paratoi ymlaen llaw ac roedd pawb yn gallu casglu ei bocs yno ar y dydd a mwynhau’r cynyrch gyda’i gilydd yn yr awyr agored, yn yr ardd”.

Roedd Sophie wedi sicrhau digon o amrywiaeth er mwyn sicrhau bod y plant yn medru ymuno hefyd; “Roedd yr holl fwyd yn llysieuol gyda pasta, cyri a salad tofu. Roedd digon o gacennau blasus hefyd. Roedd pawb wrth ei bodd!”

mhorwood_big_lunch_050621_116.jpg

Mae Sophie’n credu’n gryf bod pawb wedi elwa o’r digwyddiad, yn enwedig ar ol cyfnod ble nad oeddynt wedi gwled ei gilydd ers amser maith;

“Dim ond tri gwirfoddolwr sy’n medru bod yn yr ardd ar yr un pryd fel arfer, felly roedd hwn yn gyfle i lawer ohonom ddod at ein gilydd o bellter, a mwynhau’r awyrgylch a datblygiad yr ardd ei hun. Roedd tua 25 ohonom yno, a phawb wir yn gwerthfawrogi’r cyfle i ail gysylltu a sgwrsio eto, ac i ddal fyny gyda’i gilydd a sicrhau bod pawb yn oce ar ol cyfnod mor heriol. Mae’r digwyddiad wedi’n ysgogi ni i drefnu mwy o ddigwyddiadau fel hyn i ddod a ni at ein gilydd yn amlach, mae hynny mor bositif.”

Starts an animated party horn