FOCACCIA BLODAU GWYLLT

FOCACCIA BLODAU GWYLLT

Beth am roi cynnig ar y bara focaccia blodau gwyllt hynod brydferth a blasus hwn.

CYNHWYSION

  • Cymysgedd bara focaccia (ar gael mewn nifer o archfarchnadoedd)
  • Olew olewydd

Detholiad o berlysiau a blodau i addurno'r bara. Ar gyfer y bara fe ddefnyddion ni ddetholiad o eitemau o'r ardd a lonydd y pentref, gan gynnwys:

  • Shibwns
  • Cennin syfi
  • Peniganau (Dianthus)
  • Crib y ceiliog
  • Pansïau
  • Blodau clari
  • Saets cyrens duon
  • Oregano
  • Hadau danadl
  • Blodau hocys
  • Blodau tafod yr ych
  • Persli dail fflat
  • 'Cawsiau' hocys - plisg hadau'r hocysen goediog wedi'u casglu cyn y caledu

BYDD ANGEN ARNOCH

  • Powlen gymysgu
  • Tun bara llydan, fflat
  • Ffoil i orchuddio'r bara

DULL

Rhowch gymysgedd y bara yn y bowlen gymysgu ac ychwanegwch ddŵr ac olew olewydd. Gadewch y toes i godi cyn ei addurno.
Cynheswch y ffwrn i 210°
Defnyddiwch y blodau bwytadwy a'r perlysiau i addurno arwyneb y bara.
Gorchuddiwch y cyfan gyda ffoil a'i roi yn y ffwrn am 20 munud
Tynnwch y ffoil 5 munud cyn diwedd yr amser pobi.
Tynnwch y bara o'r ffwrn yn ofalus a'i adael i oeri cyn ei fwyta.