Ffyrdd hawdd o roi help llaw
Ymunwch yn yr hwyl
- Gwirfoddolwch mewn parkrun lleol
Ymunwch â 40,000 o bobl ledled y byd sy’n gwirfoddoli i helpu yn y digwyddiadau rhad ac am ddim hyn bob wythnos. Nid oes angen unrhyw brofiad arnoch, ac nid oes angen i chi fod wedi bod i parkrun o’r blaen - Helpwch mewn banc bwyd lleol
A allech chi gasglu bwyd dros ben o archfarchnadoedd? Neu efallai trefnu cyflenwadau a phacio bagiau? Mae yna lawer o ffyrdd i gymryd rhan. - Cynigwch amser i ardd neu randir cymunedol
O docio i blannu, mae yna bob amser rywbeth i’w wneud i helpu gerddi a rhandiroedd i dyfu. - Casglwch sbwriel mewn parc lleol
Nid yn unig y mae cadw parciau’n rhydd o sbwriel o fudd i’r bobl sy’n eu defnyddio, ond mae hefyd yn cadw bywyd gwyllt yn ddiogel. Mae gan lawer o barciau a mannau gwyrdd grwpiau ‘Cyfeillion’; chwiliwch ar-lein i ddod o hyd i un yn agos atoch chi. - Rhoddwch yr hyn nad oes ei angen arnoch chi
Mae cyflenwadau celf, posau jig-so, gemau, llyfrau a theganau bob amser ar restr dymuniadau grwpiau ieuenctid lleol, ysgolion a chanolfannau cymunedol. Beth am gael gwared ar bethau a rhoi help llaw!
Cydiwch yn eich menig rwber
Bydd eich cymuned leol fel pin mewn papur ymhen dim! Cydiwch yn eich mop a bwced a dechrau glanhau.
Ffyrdd hawdd o roi help llaw
- Glanhewch le cymunedol yn drylwyr
Mae canolfannau cymunedol, mannau addoli a llyfrgelloedd i gyd yn cael eu defnyddio gan lawer o bobl, felly bydd cynnig gwneud iddynt ddisgleirio yn rhoi gwên ar wynebau’r hen a’r ifanc! - Glanhewch graffiti
Helpwch i ddod â waliau yn ôl yn fyw trwy lanhau, ailbeintio neu ddylunio rhywbeth newydd fel murlun cymunedol. - Helpwch gymydog
Mae’n bosib y byddai oedolion hŷn a’r rhai ag anableddau sy’n byw ar eich stryd yn gwerthfawrogi rhywfaint o help i gadw ar y trywydd cywir gyda’r glanhau neu roi’r biniau allan. Gallai cynnig awr bob wythnos wneud gwahaniaeth enfawr. - Glanhewch arwyddion ffyrdd eich ardal.Helpwch bobl i lywio eich cymdogaeth drwy lanhau arwyddion stryd fel y gall pawb gyrraedd lle mae angen iddynt fod.
- Glanhewch feysydd chwarae
Gall offer chwarae ac ymarfer corff awyr agored fynd yn fwdlyd ar unrhyw adeg o’r flwyddyn. Gwnewch yr offer yn ddiogel ac yn ddefnyddiadwy trwy ei sychu â dŵr cynnes, sebonllyd.
Helpu o gartref
Gall fod yn anodd mynd allan a helpu wyneb yn wyneb, yn enwedig i’r rhai ohonom sydd â chyfrifoldebau gofalu, problemau symudedd neu’r rhai sy’n gweithio sifftiau, felly beth am roi cynnig ar rywbeth o’ch soffa!
- Pŵer cyfryngau cymdeithasol
Bydd hoffi, rhoi sylwadau a rhannu eich hoff brosiect cymunedol, elusen neu fusnes annibynnol yn helpu i dyfu eu cynulleidfa a gallai ysbrydoli eich ffrindiau cyfryngau cymdeithasol i gefnogi rhywbeth lleol. - Lledaenwch y neges
Wedi gweld rhywbeth gwych yn digwydd yn lleol ond methu â dod ar y diwrnod? Cefnogwch y digwyddiad drwy anfon neges neu ffonio 3 ffrind a dweud wrthyn nhw amdano. - Addurnwch eich ffenestri blaen
Gellir defnyddio baneri, cadwyni papur, goleuadau, posteri a phennau sialc i roi ychydig o liw i’ch ffenestri! Beth am gynnwys eich cymdogion a chael thema dymhorol fel ein ffenestri Adfent? - Ysgrifennwch gardiau calonogol
Mae geiriau caredig yn mynd yn bell iawn. Treuliwch brynhawn yn ysgrifennu nodiadau cadarnhaol i gleifion yn eich ysbyty lleol. - Byddwch yn Gyfaill Rhithwir
Rhowch hwb i ddiwrnod rhywun drwy ddod yn gyfaill i elusen leol sy’n mynd i’r afael ag unigrwydd. Gallai galwad ffôn neu fideo bob wythnos fod yn union beth sydd ei angen arnyn nhw.
Defnyddiwch eich talentau
Oes gennych chi dalent neu sgil y gallech chi ei defnyddio er lles pawb?
- Gwnewch gerddoriaeth
Os ydych chi’n hoffi canu, yn aelod o gôr neu’n gallu chwarae offeryn, cynigiwch berfformio i breswylwyr mewn cartref gofal lleol. - Pobwch gacennau i’w gwerthu
Pwy sydd ddim yn caru danteithion melys, a beth allai fod yn well nag un sy’n codi arian at achos da lleol? Am esgus gwych i roi cynnig ar ein ryseitiau Great British Bake Off! - Gwau ar gyfer babanod newydd-anedig
Os ydych chi’n dda gyda nodwyddau gwau, efallai y bydd eich ward newyddenedigol leol yn gwerthfawrogi hetiau ac esgidiau bach ar gyfer babanod cynamserol. - Pŵer ymddiriedolwyr
Mae elusennau lleol bob amser yn chwilio am bobl sydd â sgiliau a phrofiad i helpu i lywodraethu ac arwain. Os oes gennych amser a sgiliau i’w sbario, dewch yn Ymddiriedolwr. - Helpwch gyda thasgau yn y cartref
O osod dodrefn i ludo papur wal, mae yna bentwr o dasgau DIY y gellid eu ticio oddi ar y rhestr gyda rhywfaint o help gan ffrind medrus. Cynigiwch brynhawn a gweld beth allech chi ei gyflawni i anwylyd
Achubwch y gwenyn (a phopeth arall!)
Hyd yn oed os nad oes gennych chi ddawn tyfu pethau, gallwch chi barhau i gymryd camau bach i wella’r amgylchedd a’r cynefin ar gyfer planhigion a bywyd gwyllt lleol.
- Bomio blodau
Mae blodau gwyllt brodorol yn darparu cartref i bob math o bryfed, yn ogystal ag ychwanegu lliw at leoedd digariad. Cymerwch olwg ar ein hawgrymiadau ar sut i hau blodau gwyllt. - Gwnewch eich gardd yn gyfeillgar i fywyd gwyllt
Anogwch fywyd gwyllt i ffynnu yn eich gardd trwy osod bath adar neu bwll bach, gwneud twll draenog a chreu cynefinoedd fel gwesty pryfed. - Dewch yn Wyddonydd Ddinesydd
Gwirfoddolwch a helpwch wyddonwyr i gasglu data am fywyd gwyllt, a fydd yn eu helpu i ddylunio ffyrdd o’i warchod. Mae yna lawer o ffyrdd o gymryd rhan – edrychwch ar wefan yr Ymddiriedolaethau Bywyd Gwyllt. - Gadewch allweddi’r car gartref
Oes un daith car yr wythnos y gallech ei wneud ar feic neu ar droed? Os oes gennych chi feiciau trydan neu sgwteri trydan lle rydych chi’n byw, a allech chi eu defnyddio weithiau yn lle’r car? - Mai Di-dor
Anghofiwch am y peiriant torri gwair fynd a gadewch i’ch lawnt dyfu! Mae glaswellt hirach a blodau gwyllt yn helpu i fynd i’r afael â llygredd, yn fuddiol i fywyd gwyllt a gallant hyd yn oed gloi carbon o dan y ddaear.
